ƁOLÚLI ƁWÁ JǍKƆTƆMƐ LÁ SÁWÁ COMMUNITY

Yé ndē mwano mú mābupɛ̌ ndé kwālea dimbámbɛ́ na ɓeɗɛmu, mân má tɔ́tɔ́ɓɛ́ ɓotea ó ɓeɓókédí na ɓeɓotédí ɓá maɓaŋgó ó milóŋgwá má pulǎpula ó mbū mwá 2017. Ó ka yɛ́sɛ̄, ɓoláŋgí ɓwá ɓeɓoló, námɛ̄nɛ́ na ɓelóŋgísán ɓá mibíá ɓé ɓolánɛ́ ó tētena jǎkɔtɔnɛ̌, ɓé maɓeŋgá ndé lēyɛ kɔ́di á Jǎkɔtɔnɛ̌ mɛ́nɛ́ ó jǐŋgilan na dimbámbɛ́, ka mwano mwá jaɓwɛlɛ na súwɛlɛ ɓeɓoló ɓé málūlaɓɛlɛ̌ na Sáwá Community.

Ɓeɓoló ɓá Jǎkɔtɔnɛ̌ jombwea dimbámbɛ́ na matúmbá, níkamɛ́nɛ́ pɛ́ na miano má jaɓwɛlɛ mbóa á SāwāSāwā, ɓá é kwésáɓɛ ndé ka ɓesúɛ́lɛ́ jǎbítanɛlɛ̌ lá ɓembón na má ɓolísáɓɛ́ na diá̵̵-nɔŋgɔ mɛ́sɛ̄.

Ka mataŋgá má lɔndɔ mápɛ́pɛ̄ má jǎbītanɛ̌ lá Ɓáná Ɓá Sáwá ó mundi mwá wásē, ó kwēlǎn na mawondi má mwěnyá má mwano mwá jǎkɔtɔnɛ̌, di ɓɛ̂n : madúɓɛ wonja, kɔ́di á Mbóa, kɔ́di á Sāwā, jǎlatanɛ̌, ó ɓwǎm ɓwá jǎbītanɛ̌ ó téten a Sáwá.

As Sa Co e maɓoléá sɔ́ ndé ó tūŋganɛ mwano mwáō ó mú musúla, mwano mɛ́nɛ́ mú tɔ́tɔ́ɓɛ́ ná MAMBO MÁSŪ.

Sáwá Community nye ndé pūla wána láō doŋgo ó tila miaŋgó má wonja má Sáwá.

Join Us